புத்தாண்டில் பூத்த புது செய்தி.

                   அனைவருக்கும் இனிய 
                       புத்தாண்டு நல்வாழ்த்துக்கள். 

                     கடந்த ஆண்டின்  இறுதியில், கடைகளில் விற்கப்படும் ஆப்பிள்களில் மெழுகு பூசி விற்கப்படுவதாக, மாவட்ட ஆட்சி தலைவருக்கும், எங்கள் மாநகராட்சி ஆணையாளருக்கும் வந்த புகார்களின் அடிப்படையில், திடீர் ஆய்வு மேற்கொண்டோம். 

                           தேன் கூடுகளிலிருந்து  கிடைக்கும் தேன் மெழுகு  பூசி விற்பனைக்கு வரும் ஆப்பிள்கள் அதிக காலம் கெடாமல் இருக்கும் என்பதால், அரசு அதனை அனுமதித்துள்ளது. ஆனால், நமக்குதான் பேராசை என்றொன்று உண்டே. 

                                 விலை அதிகம், கிடைப்பதும் அரிதென்பதால், மனிதனின் மகா மூளைக்கு மலிவாய் கிடைத்திட்ட விஷயம்தான் பெட்ரோலிய கழிவு மெழுகு. இந்த மெழுகு பூசிய ஆப்பிள்களை உண்பதால், அந்த மெழுகு நம்மை மெல்ல கொல்லும் விஷமாகின்ற்றது. ஆம், ஆப்பிள்களின் மேல் உள்ள தோலில்தான் சத்துக்கள் உண்டென்று பெரியோர்கள் சொன்ன காலம் போய், அந்த தோலும் நமக்கு விஷமென்று பதறும் காலமிது. கவனம் மிக தேவை.