பறவைக்காய்ச்சல் நம் அனைவரையும் பாடாய்ப்படுத்திடும். பறவைக்காய்ச்சல் பரவுகிறதென்றால், கோழி வியாபாரம் குப்புறப்படுத்துவிடும். புரோட்டா கடைகளில் ஆட்டிறைச்சி என்று விற்கப்படும் மாட்டிறைச்சிக்கு மவுசு கூடிவிடும். கொழுப்புச் சத்து உடலில் கூட என்று, மாட்டுக்கறியை மறந்து விட்டு, கோழிக்கறி தின்பவர்கள் கூட, உயிருக்குப்பயந்து உண்ணா நோன்பிருப்பர்.
பறவைக்காய்ச்சலால்,பறவைகள் பாதிக்கப்படுகின்றதோ இல்லையோ, மனிதன் கோழிக்கறி தின்ன வழியின்றி திகைக்கின்றான். கடந்த இரண்டாயிரத்து மூன்றாம் ஆண்டு முதல், ஆசியா மற்றும் ஐரோப்பியா கண்டங்களில், ஆறு மாதத்திற்கொரு முறை தவறாமல் ஆஜராகின்றது.
பறவைகளுடன் மனிதனும் படும் பாட்டைப் பார்த்துக் கலங்கினர், கேம்ப்பிரிட்ஜ் மற்றும் எடின்பர்க் பல்கலைக்கழக விஞ்ஞானிகள். இவர்கள் இணைந்து உருவாக்கியதுதான், பறவைக்காய்ச்சலைப் பரப்பும் வைரஸ் H5N1க்கு எதிர்ப்பு சக்தியுள்ள மரபணு மாற்றம் செய்யப்பட்ட கோழிகள். இவர்கள் மரபணு மாற்றம் செய்து உருவாக்கிய கோழிகள், H5N1 வைரஸிற்கு எதிர்ப்பு சக்தி கொண்டிருந்ததுடன், பிற பறவைகளிலிருந்தும் இவற்றிற்கு H5N1 வைரஸ் பரவாதென்பது கூடுதல் பலனாகும்.
என்ன கிளம்பிட்டீங்களா எடின்பார்க்கிற்கு?

3 comments:
Is it safe to eat those chickens?
yet to be proved. All GM foods are not proved to be safe.
Good articles. Thanks for sharing.
I Would also add ' All GM Foods are not proven to be unsafe". This also applies to the so called "Organic foods". It is our assumption that because everything is natural in Organic cultivation, it will be safe to consume. The transgenes in those chickens are not synthetic either.
Long story short, nothing has been proven safe/unsafe yet!
Post a Comment