அலோபதி மருந்துகளுக்கு அரசு தடை!

                          அலோபதி மருந்துகள் சிலவற்றை, அரசு  தடை செய்துள்ளது. 

                                     வலி நிவாரணிகளையும், எதிர் உயிரி ( ஆண்டி பயோடிக்) மருந்துகளையும் எடுத்து கொள்வதற்கு, பதிவு பெற்ற மருத்துவரின் பரிந்துரை அவசியம். ஆனால், நடப்பதென்ன? 

                                        வலியும், காய்ச்சலும் வரும்போதெல்லாம், நாமே மருந்துகடைகளுக்கு சென்று,வகைதொகை இன்றி,மருந்து மாத்திரைகள் வாங்கி பயன்படுத்துகிறோம். 

                                  அதன் விளைவுகள் , உடனடியாக நமக்கு தெரிய வருமென்று சொல்ல முடியாது. பல மருந்துகள் பக்க விளைவுகள் ஏற்படுத்துபவை. குறிப்பாக சொல்லபோனால், மேலை நாடுகள் பலவற்றில் தடை செய்யப்பட்ட மருந்துகள் பல, இங்குள்ள மருந்து கடைகளில், எவ்வித கட்டுப்பாடுமின்றி விற்பனை செய்யபடுகின்றது.

                                     சொல்லபோனால், வெளிநாடுகளில் தடை செய்யப்பட்ட மருந்துகள் பல, இந்தியர்களை இளிச்சவாயர்கள் என்றெண்ணி , இங்கே குவிக்கபடுகின்றன!  அந்த வகையில், அண்மையில் நான் அறிந்த  செய்தியொன்று: 

 

                                    பன்னிரண்டு வயதிற்குட்பட்ட குழந்தைகளுக்கு கொடுக்கப்படும் 'நிமுசிலிட்' (nimesulide)   மற்றும் அது தொடர்பான கலவைகள், 'cisapride'  மற்றும் அது கலந்த கலவை, 'Phenylpropanolamine ' மற்றும் அது சார்ந்த கலவை, மனித தொப்புள்கொடி நஞ்சு சாறு( human placenta extract ), 'sibutramine ' மற்றும் 'R- sibutramine' ஆகிய ஆறு வகை அலோபதி மருந்துகளை அரசாங்கம் விற்பதற்கு தடை விதித்துள்ளது. 

                                      என்ன விளைவுகள் ஏற்படுத்தும்?  

                                        Nimesulide                 - கல்லீரல் பாதிப்பு.

                                        Cisapride                    - இதய கோளாறுகள். 

                                        Phenylpropanolamine - Stroke வர வாய்ப்பளிகிறது. 

                                        Sibutramine                 - மாரடைப்பு. 

        வேண்டுமா விலை கொடுத்து வினையை வாங்கும் செயல்கள்?                          விழிப்புடன் இருந்தால், வேதனைகள் தவிர்க்கலாம்!