ஜப்பானிலிருந்து உணவு பொருட்களை இறக்குமதி செய்ய தடை.

                                    ஜப்பான் மக்களின்  சுனாமி சோகம் மறைவதற்குள், அடுத்த சோக  செய்தி அவர்களுக்கு, ஜப்பானிலிருந்து உணவு பொருட்களை இறக்குமதி செய்ய தடை விதிக்கபடுவது. 

உலக அளவில், ஜப்பான் உணவு பொருட்களை இறக்குமதி செய்ய மொத்தமாக தடை விதிக்கும் முதல் நாடு இந்தியா. ஜப்பான் மக்களின் சுறு சுறுப்பும், கடமை உணர்ச்சியும் சொல்லி மாளாது. வேலை நிறுத்தம் செய்வதென்றால் கூட, உள்ளிருப்பு வேலைநிறுத்தமும், உற்பத்தியை  அதிகமாக பெருக்குவதும் அவர்கள் பாணியாகும். 
                                 கடந்த ஒரு மாத காலமாக, ஜப்பான் அணு உலையிலிருந்து கதிவீச்சு அபாயத்தை கட்டுபடுத்த, ஜப்பான் ,கடும் முயற்ச்சிகள்  எடுத்துவந்தாலும்,  கதிர்வீச்சு கட்டுபாட்டிற்குள் கொண்டு வரப்படவில்லை என்பதே துன்பமான  நிஜம்.

                                    உணவு பொருட்களின் தரம் மற்றும் பாதுகாப்பு குறித்த விஷயங்களை கவனித்து வரும், இந்திய உணவு பாதுகாப்பு மற்றும் தர நிர்ணய ஆணையம், டெல்லியில் நேற்று ஒரு அவசர கூட்டம் மூலம் ஆலோசனை நடத்தியது. அந்த கூட்டத்தில், ஜப்பானில் அணு உலைகளில் இருந்து கதிர்வீச்சு வெளியாகும் அபாயம் இருப்பதால், ஜப்பானிலிருந்து இறக்குமதியாகும் உணவு பொருட்களின் தரம் குறித்து விரிவான ஆலோசனை செய்யப்பட்டுள்ளது. முடிவில், இந்தியாவிற்கு, ஜப்பானிலிருந்து அடுத்த மூன்று மாதங்களுக்கு உணவு பொருட்கள் இறக்குமதி செய்வதற்கு தடை விதிக்க முடிவு எடுத்துள்ளது. 

                                             கேட்பதற்கு கொஞ்சம் கஷ்டமாக இருந்தாலும், கதிவீச்சு  பாதிப்பு,  உணவு பொருட்களில் இருந்தால், அதனால் ஏற்படும் விளைவுகள் உடனடியாக தெரிய வராது என்பதால், இததகைய ஓர் முடிவு அவசியமானதாகிறது. அடுத்த மூன்று மாதங்கள் அல்லது கதிர்வீச்சு கட்டுப்பாட்டிற்குள் வந்துவிட்டது என்று நூறு சதவிகிதம் நிரூபணமாகும் காலம் வரை, இந்த தடை உத்தரவு நீடிக்கும் என்றும்  கூறப்பட்டுள்ளது. 
                                              இயற்கை சீறினால் என்னாகும் என்று தெரியாமலே சாரி தெரிந்தும் தெரியாத மனிதர்கள் போல் துணிந்தே விளையாடுகிறோம். துன்பங்கள் வந்த பின்னர் துவண்டு விடுகிறோம்.
                                              கதிர்வீச்சு அபாயங்கள்  கட்டுக்குள் வர  பிரார்த்திப்போம்!