தன்னலம் கருதாத தாயை நாம் காக்கிறோமா?

தன்னிலை தாழ்ந்தேனும், தன் குழந்தையின் துயர் துடைத்திடும், தன்னலம் கருதாத தாயை நாம் காக்கிறோமா? நம் தாய் நாடு, தாயைக் காத்திடும் தாய்சேய் நலத் திட்டத்தில், மூன்றாமிடத்தில் இருக்கிறது.

ஆம்,அண்மையில், அன்னையர் தினம் கொண்டாடும் நாளில், “சேவ் த சில்ட்ரன்” என்ற தன்னார்வ தொண்டு நிறுவனம், வெளியிட்டுள்ள அறிக்கையிது.

வளர்ந்த நாடுகள், ஓரளவு வளர்ந்த நாடுகள், வளர்ச்சியடையும் நாடுகள் என்ற மூன்று பிhpவுகளில், நம் நாடு, மூன்றாம் பிரிவில், தலைகீழ் தரவரிசையில் மூன்றாமிடத்திலிருக்கிறது. ஆம், 77 நாடுகள் பட்டியலில், 75ம் இடத்தில் இருக்கிறது.

பிரசவ கால தாய் சேய் இறப்பு விகிதம், கருத்தடை சாதன பயன்பாடு, பெண்களின் கல்வி அறிவு, கர்ப்பம் மற்றும் பேறுகால மருத்துவ வசதி ஆகியவற்றின் அடிப்படையில் தரம் பிரிக்கப்படுகிறது.

காரணங்கள்:

  பின்தங்கிய பிரசவகால மருத்துவ வசதி.

  விழிப்புணர்வு குறைவு.

  பணியாளர்கள் பற்றாக்குறை.

விளைவு:

  30ல் ஒரு பெண் கர்ப்பகால சிக்கல்களால் உயிhpழக்கிறார்;.

   6ல் ஒரு குழந்தை 5 வயதிற்குள் இறக்கிறது.

   3ல் ஒரு குழந்தை ஊட்டச்சத்து குறைபாடுகளால் பாதிக்கப்படுகிறது.

இந்தியாவில் நிகழும் ஒரு லட்சம் பிறப்புக்களில், ஐநூற்றி நாற்பதில், தாய்க்கு மரணம் நிகழுகிறது. என்ன கொடுமை சார் இது! பெண்களும் ஏழ்மையும்: உலகளவில் ஏழ்மையில் வாடும் மக்களில் எழுபது சதவிகிதத்தினர் பெண்களே. வேலை செய்யும் பெண்கள் உலக வருவாயில் பத்து சதவிகிதத்தை ஈட்டுகின்றனர். ஆண்களை ஒப்பிட்டு பார்க்கையில், முப்பது முதல் நாற்பது சதவிகிதம் குறைவாகவே ஊதியம் வழங்கப்படுகிறது. உலகளவில், அறுபது முதல் என்பது சதவிகித உணவு பெண்களால் உற்பத்திசெய்யப்படுகிறது. ஆனால், பத்து முதல் இருபது சதவிகித அளவிலேயே, நிர்வாக பொறுப்புக்கள் வழங்கபடுகின்றன.  இந்திய பெண்கள்: ஆறு வயதிற்குட்ட்பட்ட குழந்தைகளில் ஆண் பெண்  இன விகிதம் ,  1991 இல் 1000   ஆண்களுக்கு 945 பெண்கள் என்றிருந்தது, 2001 இல்,  1000   ஆண்களுக்கு 927 பெண்கள் என்று குறைந்து விட்டது.  யுனிசெப் நிறுவன கணக்க்குப்படி ,  50 மில்லியன் பெண்கள் மற்றும் குழந்தைகள் இந்தியாவில் காணாமல் போனவர்கள் பட்டியலில் உள்ளனராம். இந்திய பெண்களில், 245 மில்லியன் பெண்கள் எழுத படிக்க தெரியாதவர்கள். பதினைந்து வயதிற்கு மேற்பட்டவர்களில், 46.4%  பெண்கள் மட்டுமே கல்வியறிவு பெற்றுள்ளனர்.  உணவைப் பொறுத்த வரையில், அவர்களுக்கு தேவைப்படுவதோ - 2200 கலோரிகள், எடுத்து கொள்வதோ- 1400 கலோரிகள் மட்டுமே!  எய்ட்ஸ்  எனும் இரக்கமற்ற அரக்கனின் கோர பிடிக்கு ஆட்பட்டோரில், 38 சதவிகிதம் பெண்களே!  இந்திய பெண்களில், 92 சதவிகிதத்தினர்  மறைமுக(பிறப்புறுப்பு சம்பந்தமான ) நோய்களுக்கு ஆளாகி உள்ளனர். மகப்பேறு காரணங்களால் இறப்போர் நாளொன்றிற்கு 300 பேர்.                                            எங்கே, இப்ப  சொல்லுங்கள்: தன்னலம் கருதாத  தாயை  நாம் காக்கிறோமா?  சிந்திப்போமா, சில நொடி?  என்ன செய்யலாம்? :  பெண் சிசுக்கொலை செய்யும் பேய் மனங்களைக்  கொல்வோம்! பேறுகாலத்தில் பெண்களுக்கு முறையான  ஊட்டச்சத்தும், உரிய தடுப்பூசிகளும் கிடைத்திட வழி வகுப்போம்.   பிறந்த பெண் குழந்தைகளுக்கு, முறையான ஊட்டச்சத்தும், மருத்துவ கவனிப்பும் தருவோம். பெண் குழந்தைகளுக்கு,உரிய பருவத்தில், முறையான உடற்கூறு இயல் கற்றுக் கொடுப்போம்.