ஈ டிக்கெட் சேவை-இது ரொம்ப தேவை!

                               ஓரிடத்திலிருந்து, மற்றோர் இடத்திற்கு பயணம் செய்வதென்றால், பணம் இருந்தும், பயணம் செய்திட டிக்கெட்  கிடைக்காது திண்டாடும் நம்மில் பலரைப்  பார்க்கையில்,பணம் பத்தும் செய்திடும் ( பணம் இருந்தால் மட்டுமே, எல்லாம் முடிந்துவிடும்), என்று சொல்வதில் அர்த்தம் இல்லை என்றே எண்ணுகிறேன். 

                                   முன்பெல்லாம், தென் மாநிலங்களில் இருந்து, சென்னை, மும்பை போன்ற பெருநகரங்களுக்கு,  கோடை விடுமுறை பயணமென்றால் மட்டுமே, முன் பதிவு கிடைப்பது, குதிரைக்கொம்பாக இருந்தது. அது ஒரு கனாக்காலமாக மாறி, வருடத்தின் அனைத்து நாட்களிலும், ரயில் பயணம் என்றாலே, ரணமாய் ஆகிவிடுகிறது. முன் பதிவு வரிசையில் நின்று, முண்டியடித்து, கணினிக்கு அருகில் செல்லும்போது, காத்திருப்போர் பட்டியல் அல்லது RAC மட்டுமே இருப்பதாக, அங்குள்ள அலுவலர் சொல்வார்.

                                         ரணங்களுக்கு மருந்து பூச, ரயில்வே நிர்வாகம், புது முடிவு ஒன்று எடுத்துள்ளது. கொஞ்ச நாள் முன்பு வரை, IRCTC தளம் வழியாக, தனி நபர் மட்டுமின்றி, முகவர்களும், ரயில் பயண முன் பதிவு டிக்கெட்டுகள் எடுக்க அனுமதித்திருந்தனர். இதனால், தட்கல் டிக்கெட்கள் எடுக்க ரயில் நிலையங்களில், முன் பதிவு செய்திட காத்திருப்போர், கால் கடுக்க நின்று, ஏமாந்து திரும்பிய சம்பவங்கள் தொடர்ந்ததால்,  IRCTC முகவர்கள், தட்கல் டிக்கெட்களை காலை எட்டு மணிக்கு எடுக்கும் முறையை மாற்றினர். 

                                தற்போது, பயணிகள்   நலனைப் பாதுகாக்க, ரயில்வே நிர்வாகம், புதிய வசதி ஒன்றை அறிமுகப்படுத்த உள்ளது. பயணிகள் மட்டுமே, டிக்கெட் முன் பதிவு செய்திடும் வகையில்,இந்த வலைத்தளம் வசதி அளிக்க உள்ளது. தனி நபர்கள், தங்கள் விபரங்களைப் பதிவு செய்து கொண்டு, நண்பகல் 12 .30 மணி முதல், இரவு 11.30 மணி வரை இந்த சேவையைப்  பயன்படுத்தி, டிக்கெட் முன் பதிவு செய்து கொள்ளலாம்.  தற்போது IRCTC தளம் மூலம் டிக்கெட் எடுக்கும்போது, தூங்கும் வசதி முன் பதிவிற்கு பத்தும், இதர வகுப்புகளுக்கு,இருபது ரூபாய் சேவை கட்டணமும் வசூலிக்கப்படுகிறது. புதிய தளத்தின் மூலம் டிக்கெட் எடுக்கும்போது, தூங்கும் வசதி முன் பதிவிற்கு, ரூபாய் ஐந்தும், இதர வகுப்புகளுக்கு பத்து ரூபாயும் சேவை கட்டணம் வசூலிக்கப்படும். மாதம் ஒன்றிற்கு,தனி நபர் ஒருவர், எட்டு முறை இந்த சேவையை பயன்படுத்தி, டிக்கெட் எடுக்கலாம்.

                                  விரைவில் வரட்டும் இந்த சேவை.

டிஸ்கி: இதுவரை இந்த செய்தியை, பொறுமையுடன் படித்த உங்களுக்குப்  பரிசாக, பதிவர் சந்திப்பு காணொளி ஒன்று, கண்டு களித்திட :