உணவு பாதுகாப்பு -நுகர்வோர் கவனத்திற்கு -3

காய் கனிகளில் உள்ள நச்சுண்ணிகளும் அதன் பின்விளைவுகளும் :

                       இப்பல்லாம் பதிவுலகம் பக்கம் வருவதே இல்லை.  பல நல்ல பதிவுகள் படிக்கமுடியலை. நேரமின்மை+சோம்பல்+முகநூல் ஈர்ப்பு அப்படின்னு பல காரணங்கள். இந்த மாதம் பதிவே போடலை. என்னா பண்றதுன்னு பார்த்தா, இந்த போஸ்ட்தான் டிராஃப்ட்ல இருந்துச்சு.நாம இன்னும் பதிவர்தான்னு காட்டிக்கணுமேன்னு பப்ளிஷ் பண்ணிட்டேன். 

        
        பூச்சி மருந்து தெளிப்பதால் ஆன நச்சு, பயிர்களால் ஏற்படும் நச்சுண்ணிகள் (aflotoxins, patulin, ochratoxin etc) , இயற்கையாக காணும் நச்சுப் பொருட்கள் , உலோக படிவங்கள் ஆகியன காய் கனிகளில் உள்ள தீங்கு விளைவிக்கும் பொருட்களாகும் .

                 வேளாண்மை மற்றும் தோட்டக்கலை பயிர்களில் தோன்றும் பூச்சி பூஞ்சாள நோய்களை கட்டுப்படுத்த பூச்சிகொல்லிகள் தெளிக்கபடுகின்றன. பயிர்களுக்கு பாய்ச்சப்படும் நீர் மற்றும் உரங்களின் மூலமாக உலோக படிவங்களும்,மண் வகை , விதை, நீர் மூலமாக பூஞ்சாளங்களும் காய் கனிகளில் நச்சாக படிகின்றன. 

                   பூச்சி மருந்துகள் காச நோய் உருவாக்கவும், நுரையீரல் , கல் ஈரல், சிறுநீரகம், நரம்பு மண்டலம் போன்ற உறுப்புகளை தாக்கும் சக்தி உடையது. சில பூச்சிக்கொல்லிகளால் எடை குறைவு , பசி இன்மை , எரிச்சல் , நன்நடத்தையில் மாற்றம்(behavioural change) , மற்றும் தோல் சம்பந்தமான வியாதிகள் ஏற்படும் அபாயமும் உள்ளது . 

                      காய் கனிகளில் தடை செய்யப்பட்ட பூச்சி மருந்துகளான – Aldrin, Chlordane, Endrin, Heptachlor, Ethyl Parathion மற்றும் தேர்வு செய்து உபயோகிக்கும் மருந்துகளான DDT, Endosulfan etc காய் கனிகளில் உள்ளது கண்டறியப்பட்டுள்ளது . 

              உலோக படிவங்கள் தோல் சம்பந்தமான நோய் , இருதய நோய் மற்றும் பிற உறுப்புக்களை தாக்கும் வல்லமை உடையது. நீர் , உரம் மூலம் தவிர்க்க இயலாத பட்சத்தில், பூச்சி தாக்குதலை ஒருங்கிணைந்த முறையில் கட்டுபடுத்தலாம். உணவு பாதுகாப்பு சட்டத்திலும் இந்த தொழில்நுட்பத்தை வலியுறுத்தி குறிப்பிடப்பட்டுள்ளது.

                    

நம்நாட்டில் பூச்சி மருந்தின் நிலை - சில புள்ளியியல் விபரங்கள்

• கொசு ஒழிப்புக்காக  DDT 1946 லிருந்து உபயோகத்தில் உள்ளது .
• ஆண்டிற்கு சராசரியாக  DDT -7500 மெட்ரிக் டன் பயன்படுத்தபடுகிறது.
•  இந்திய உணவில் 0.27 mg DDT உள்ளது .
• இந்தியர்களிடமே அதிகபடியான அளவு பதிவு செய்யப்பட்டுள்ளது .
• பூச்சிமருந்து உற்பத்தி  சந்தை நிலவரம்  2500-3000 ரூபாய்  கோடியில் .
• பயிர்வாரியான பூச்சிமருந்து உபயோகம் -நெல் 22.8%, சோளம் 8.9%, காய் கனிகள் 7.0%, கோதுமை 6.4%, பயறு வகைகள் 2.8%, பிற  பயிர்கள் 7.6%, பருத்தி  44.5%.

• வேளாண்மை 69.4%, பொது சுகாதாரம் 30.6%
•  பூச்சிகொல்லிகள் 63.0%, களைகொல்லிகள் 14%, பூஞ்சாள கொல்லிகள் 21%, மற்றவை 2% 
• பௌதீக ரீதியாக – Organochlorine 40%, Organophosphate 30%, Carbamates 15%,Synthetic Pyrethroids 10%, Others 5%