பத்த வச்சிட்டியே பரட்டை.

                                   வெயில் காலம் வந்தாலும் வந்தது. விலை கொடுக்காமலே வீணாய் நோய்களும் வந்து தாக்குது. குடிக்கும் நீரிலும், குளிர் பானங்களிலும் கொடிய கலப்படங்கள். நெல்லையில் பத்த வச்ச தீ, ஹனுமன் வாலிலிட்ட தீ , இலங்கையை சுட்டெரித்ததுபோல், தமிழகம் முழுவதும் தானாய் பற்றி எரியுது. 
தமிழகம் முழுக்க, தண்ணீரின் தரம் சோதனை செய்யபடுகிறது. தரமற்ற தண்ணீர் பாக்கெட்களும், கேன்களும் பறிமுதல் செய்யப்பட்டு, தடாலடி நடவடிக்கைகள் தொடருது. 

ஆந்திரா ஈநாடு பத்திரிக்கையில் திருநெல்வேலி ரெய்டு  செய்தி.

                                      சென்னை மாநகராட்சி சுகாதாரத்துறை சென்ற வாரம் எடுத்த சீரிய நடவடிக்கைகளால், சிங்கார சென்னையினை சீரழித்த சுமார் நாற்பதாயிரம்  தரங்கெட்ட தண்ணீர் பாக்கெட்களும் , கேன்களும் பகிரங்கமாய்    பறிமுதல் செய்யப்பட்டு அழிக்கப்பட்டுள்ளன. இந்த சோதனையில் எண்ணூறு போலி  ரசனா பாகெட்களும் தப்பவில்லை. 

                                           அடுத்து வைத்த தீ, கார்பைடு கற்களால் சூடு வைக்கப்பட்ட மாங்கனிகள் மீது. தானாய் கனியும் மாம்பழங்கள் தேனாய் இனித்திடும். ஆலாய்  பறக்கும் மனிதர்கள், அது பழுக்கும் வரை பொறுத்திருக்க பொறுமையில்லை. அதனால், அவர்கள் பயன்படுத்தும் பொருள்: கார்பைடு கல். இதனை கந்தகக்கல்  என்றும் சொல்வார்கள்.  நன்கு விளைந்தத விளையாத மாங்காய்களை ஒரு கிட்டங்கியில் கொட்டி, கார்பைடு கல் பொட்டலங்களை அந்த குவியல்களில் ஆங்காங்கே வைத்து விடுவர்.மறுநாள் காலையில் பார்த்தால், விளைந்தத மற்றும் விளையாத மாங்காய்கள் மஞ்சள் நிறத்திலிருக்கும்.

                                 இந்த இடத்தில் நீங்கள் கவனிக்க வேண்டிய விஷயம் இதுதான்: அந்த மாம்பழங்களின் மேல் தோல்தான் மஞ்சள் நிறத்திலிருக்கும், உள்ளே பழுத்திருக்காது!

எப்படி கண்டு பிடிக்கலாம் இவை கல் வைத்து பழுக்க வைக்கப்பட்டவை என்று?

கல் வைத்து கனிய வைக்கப்பட்ட பழங்ககளை உண்பதால், உருவாகும் உடல் நல பாதிப்புகள் என்ன?எப்படி நாம் முன்னெச்செரிக்கையாக இருக்கலாம்? இந்த சீசனில் மாம்பழங்களே  உண்ண கூடாதா? கேட்கிறது உங்கள் கேள்விகள் என் காதுகளில்.

 

பத்த வச்ச விஷயம்,  பரவ பரவ, தொடர்ந்து எழுதுகிறேன்.